13 فروری ، 2025 
تُلسی گبارڈ امریکی نیشنل انٹیلی جنس ڈائریکٹر بن گئیں
13 فروری ، 2025
سابق ڈیموکریٹک کانگریس وومن تُلسی گبارڈ امریکی نیشنل انٹیلی جنس ڈائریکٹر بن گئیں۔
غیر ملکی میڈیا رپورٹس کے مطابق امریکی سینیٹ نے 52 کے مقابلے میں 48 ووٹوں سے تُلسی گبارڈ کی توثیق کی جبکہ صرف ایک ریپبلکن نے ان کی مخالفت میں ووٹ دیا۔
تُلسی گبارڈ نے بدھ کوبطور امریکی نیشنل انٹیلی جنس ڈائریکٹر عہدے کا حلف اٹھا لیا۔
اوول آفس میں حلف برداری کی تقریب کے بعد انہوں نے کہا کہ امریکی انٹیلی جنس کو دوبارہ قومی سلامتی پر مرکوز کریں گی اور اس بات کو یقینی بنائیں گی کہ انٹیلی جنس کو سیاسی مقاصد کے لیے استعمال نہ کیا جائے۔
واضح رہے کہ تُلسی گبارڈ امریکی فوج میں بطور لیفٹیننٹ کرنل بھی خدمات سرانجام دے چکی ہیں۔اس کے علاوہ تُلسی مشرقِ وسطیٰ اور افریقا میں بھی تعینات رہ چکی ہیں۔
بطور ڈائریکٹر نیشنل انٹیلی جنس تُلسی گبارڈ 18 انٹیلی جنس ایجنسیوں، بشمول سی آئی اے اور ایف بی آئی کی نگرانی کریں گی۔
مزید خبریں :
غزہ فلسطینیوں کا ہے اور فلسطینی سرزمین کا اٹوٹ حصہ ہے: چین
12 فروری ، 2025
ترکیہ میں 2024 سیاحت کیلئے کامیاب ترین سال، آمدن کیا رہی؟
12 فروری ، 2025
