28 فروری ، 2025 
پاکستان
شطرنج کے تخت پر ذہانت کی جنگ: مراد علی شاہ اور اسکول طالبہ مہک کل آمنے سامنے ہونگے
28 فروری ، 2025
کراچی: وزیر اعلیٰ سندھ مراد علی شاہ اور مہک مقبول کے درمیان شطرنج کا بڑا اور سنسنی خیز معرکہ کل ہوگا۔
ترجمان وزیراعلیٰ سندھ کے مطابق دلچسپ مقابلہ کل سہ پہر 3 بجے وزیراعلیٰ ہاؤس سے براہ راست نشر ہوگا جس دوران شطرنج کے تخت پر ذہانت کی جنگ کیلئے تجربہ اور ابھرتی ہوئی صلاحیتیں آمنے سامنے ہوں گی۔
پاکستان کی انڈر 18 شطرنج چیمپئن مہک مقبول نے حال ہی میں نیشنل یوتھ چیس چیمپیئن شپ جیتی ہے، مہک مقبول سندھ حکومت کے ایس ایم بی فاطمہ جناح گورنمنٹ اسکول کی طالبہ ہیں۔
واضح رہے کہ سندھ حکومت کے ایس ایم بی فاطمہ جناح گورنمنٹ اسکول کو زندگی ٹرسٹ نے اپنایا ہے۔
