07 مارچ ، 2025 
بھارتی ائیرفورس کے ایک دن میں 2 طیارے گر کر تباہ
07 مارچ ، 2025
بھارتی ائیرفورس کے ایک دن میں دو طیارے گر کر تباہ ہوگئے جن میں ایک لڑاکا طیارہ شامل ہے۔
بھارتی فضائیہ کے مطابق جیگوار لڑاکا طیارہ تربیتی مشق کیلئے امبالا ائیر بیس سے اڑا اور کچھ دیر بعد ہریانہ کے قریب گر کر تباہ ہوگیا۔
بھارتی فضائیہ کا کہنا ہے کہ پائلٹ نے طیارے کو آبادی سے دور لے گیا اور پھر طیارے سے بحفاظت نکلنے میں کامیاب ہوگیا۔
بھارتی فضائیہ کے مطابق تکنیکی خرابی کے باعث حادثہ پیش آیا اور پائلٹ کو طبی امداد کیلئے اسپتال منتقل کردیا گیا جبکہ حادثے کی انکوائری کا حکم دے دیا گیا ہے۔
دوسرا واقعہ مغربی بنگال میں پیش آیا جہاں بھارتی فضائیہ کا ٹرانسپورٹ طیارہ اے این 32 گر کر تباہ ہوگیا۔
رپورٹس کے مطابق بھارتی فضائیہ کا ٹرانسپورٹ طیارہ بگڈوگرا ائیرپورٹ پر حادثے سے دوچار ہوا تاہم حادثے میں کوئی جانی نقصان نہیں ہوا اور عملہ محفوظ رہا۔
