31 مارچ ، 2025 
صحافی فرحان ملک کو جوڈیشل ریمانڈ پر جیل بھیجنےکاحکم
31 مارچ ، 2025
کراچی کی ملیر کورٹ نے غیر قانونی کال سینٹر میں سہولت کاری اور منی لانڈنگ کیس میں سینئر صحافی فرحان ملک کو لانڈھی جیل منتقل کرنے کا حکم دےدیا، ایف آئی اے جی جانب سے فرحان ملک کے مزید ریمانڈ کی استدعا مسترد کردی گئی۔
سینئر صحافی فرحان ملک کو عید کے پہلے روزایف آئی اے نے دوسرے مقدمے میں جوڈیشل مجسٹریٹ ملیر کے روبرو پیش کیا۔
غیر قانونی کال سینٹر میں معاونت اور منی لانڈرنگ کیس میں ریمانڈ مکمل ہونے پر مزید ریمانڈ کی استدعا کی گئی۔
فرحان ملک کی جانب سے بلال قریشی عدالت میں پیش ہوئے جب کہ عدالت پہنچنے پر فرحان ملک صحافیوں اور اہلخانہ سے گلے ملے۔
عدالت کو تفتیشی افسر نے دوران سماعت بتایا کہ فرحان ملک کے خلاف مزید کوئی مقدمہ درج نہیں ہے، تفتیشی افسر کے بیان کے بعد عدالت نے ایف آئی اے ریمانڈ کی استدعا مسترد کرتے ہوئے سینئر صحافی فرحان ملک کو لانڈھی جیل کسڈی کا حکم دے دیا۔
فرحان ملک کے خلاف پہلے مقدمے پر درخواست ضمانت کی سماعت 3اپریل کو ہوگی جب کہ دوسرے مقدمے میں درخواست ضمانت پرسماعت 7 اپریل کو ہوگی۔
مزید خبریں :
صدر مملکت آصف علی زرداری کی طبیعت ناساز، اسپتال منتقل
11 گھنٹے پہلے
