20 اپریل ، 2025 
بلاول کا ٹنڈوجام کے سیلاب متاثرین کو گھروں کا تحفہ، مالکانہ حقوق خواتین کے نام
20 اپریل ، 2025
چیئرمین پاکستان پیپلز پارٹی بلاول بھٹو زرداری نے ٹنڈوجام کے سیلاب متاثرین کو گھروں کا تحفہ دے دیا۔
سیلاب متاثرین کو گھروں کی فراہمی کے موقع پر بلاول بھٹو زرداری کا کہنا تھا مالکانہ حقوق خواتین کے نام کیے ہیں تاکہ ان کی پوری نسل ترقی کرسکے۔
بلاول بھٹو زرداری نے ٹنڈوجام میں دورے کے دوران نابینا بچوں کی رہنمائی کے لیے بنائے گئے ٹریک، اسکول اور ڈسپنسری کا جائزہ بھی لیا۔
انہوں نے منتخب نمائندوں کو سیلاب متاثرین کے مسائل ترجیحی بنیادوں پر حل کرنے کی ہدایت بھی کی۔
مراد علی شاہ اور شرجیل انعام میمن کے ہمراہ خواتین کے مسائل سننے والے بلاول بھٹو کی گفتگو کے دوران دلچسپ صورتحال بھی پیدا ہوئی، مقامی خواتین نے وڈیروں کی جانب سے مٹی اٹھانے پر اعتراض کی شکایت کی تو بلاول نے پوچھا کون سے وڈیرے؟ خواتین نے ہنستے ہوئے کہا جو بیٹھے ہیں یہ نہیں ہیں۔
