02 اپریل ، 2013 
اہلکاروں کے قتل اور اغوا کیخلاف واپڈا ہائیڈرو یونین پشاور کا احتجاجی مظاہرہ
02 اپریل ، 2013
پشاور…شیخ محمدی گرڈ اسٹیشن پر شرپسندوں کے حملے، واپڈا اہلکاروں کے قتل اور اغوا کے خلاف واپڈا ہائیڈرو یونین نے پشاور پریس کلب کے باہر احتجاجی مظاہرہ کیا۔ مظاہرین نے مغویوں کی فوری بازیابی کا مطالبہ کیا۔بڈھ بیر شیخ محمدی میں شرپسندوں کے گرڈاسٹیشن پر حملے کے دوران واپڈا اہلکاروں کے قتل اور اغوا کے خلاف واپڈا ہائڈرویونین کی کال پر صوبے بھر میں آج سوگ منایا جا رہا ہے ۔ واپڈا ملازمین نے پشاور پریس کلب کے سامنے احتجاجی مظاہرہ بھی کیا۔ یونین کے مرکزی چیئرمین گوہر تاج نے مطالبہ کیا کہ شدت پسندوں کے حملے میں جاں بحق ملازمین کیلئے شہدا ء پیکیج کا اعلان کیا جائے اور ملک بھر میں واپڈا ملازمین کو تحفظ فراہم کرنے کے ساتھ لاپتہ افراد کی فوری بازیابی کے لئے اقدامات کئے جائیں۔
مزید خبریں :
امریکا میں سفارتکاری: بلاول بمقابلہ بینظیر بھٹو
10 گھنٹے پہلے
گوادر میں زلزلے کے جھٹکے، شدت 3 ریکارڈ
08 جون ، 2025
کراچی اور اورماڑہ میں زلزلے کے جھٹکے محسوس کیے گئے
08 جون ، 2025
