01 مئی ، 2013 
سربجیت سنگھ پر حملہ، جیو نیوز نے ایف آئی آر حاصل کر لی
01 مئی ، 2013
کراچی …جیو نیوز نے بھارتی جاسوس سربجیت سنگھ پر حملے کی ایف آئی آر حاصل کر لی۔ ایف آئی آر کے مطابق سربجیت سنگھ پر حملہ 4 بج کر 30 منٹ پر ہوا۔بھارتی جاسوس سربجیت سنگھ پر حملے کا مقدمہ تھانہ کوٹ لکھپت میں درج ہوا۔ ایف آئی آر کے مطابق سربجیت سنگھ کوٹ لکھپت جیل کے بلاک 7 ای میں بند تھاجبکہ حملہ کرنے والے قیدی عامر تابنے والا بلاک سیون بی اور مدثر سیون اے میں بند تھے۔ ساڑھے چار بجے ہیڈ وارڈن احسان الحق اور امدادی وارڈن صفدر حسین بلاک 7 کے قیدیوں کو بند کر رہے تھے، اچانک عامر تابنے والا اور مدثر نے سربجیت سنگھ پر حملہ کر دیا۔ وارڈنز نے بچانے کی کوشش کی تو مدثر نے ان پر بھی حملہ کر دیا۔ایف آئی آر کے مطابق عامر اور مدثر نے سربجیت پر نامعلوم وجوہات کی بنا پر حملہ کیا، ڈسپنسر اور اسسٹنٹ سپرنٹنڈنٹ نے میڈیکل آفیسر جیل کی زیر نگرانی سربجیت کو جناح اسپتال پہنچایا۔
مزید خبریں :
