پاکستان
02 مئی ، 2013
02 مئی ، 2013 
یوم شہداء کے موقع پر 3 یادگاری ٹکٹ جاری
02 مئی ، 2013
راولپنڈی…پاکستان پوسٹ نے یوم شہداء کے موقع پر اور شہداء کی قربانیوں کو خراج عقیدت پیش کرنے کیلے آٹھ آٹھ روپے مالیت کے 3 یادگاری ٹکٹ جاری کئے ہیں۔ جمعرات کو آئی ایس پی آر کی جانب سے جاری بیان کے مطابق ڈاک ٹکٹوں پر کیپٹن کرنل شیر خان شہید، حوالدار لالک جان شہید (نشان حیدر) اور نائیک سیف علی خان شہید (ہلال کشمیر مساوی نشان حیدر) کی تصاویر موجود ہیں۔ یہاں یہ امر قابل ذکر ہے کہ مادر وطن کے دفاع کیلئے اپنی جانوں کا نذرانہ پیش کرنے والے سرزمین کے بہادر فرزندوں کو خراج عقیدت پیش کرنے کیلئے ہر سال 30 اپریل کو یوم شہداء منایا جاتا ہے۔
مزید خبریں :
