14 مارچ ، 2012 
ایشیا کپ: پاکستان اور سری لنکا کل مد مقابل ہوں گے
14 مارچ ، 2012
ڈھاکا… پاکستان اور سری لنکا کی ٹیموں کے درمیان 11 ویں ایشیاء کپ کرکٹ ٹورنامنٹ کا تیسرا میچ جمعرات کو شیر بنگلہ نیشنل سٹیڈیم ڈھاکہ میں کھیلا جائیگا۔ دونوں ٹیموں کے درمیان میچ پاکستان کے معیاری وقت کے مطابق دن ایک بجے شروع ہوگا۔ اس سے قبل ٹورنامنٹ کے افتتاحی میچ میں پاکستان نے میزبان بنگلہ دیش کو 21 رنز سے شکست دی تھی جبکہ ایونٹ کے دوسرے میچ میں بھارتی ٹیم نے سری لنکن ٹیم کو 50 رنز سے ہرا دیا تھا۔ پا کستان ٹیم سری لنکن ٹیم کو شکست دیکر ایونٹ کے فائنل کیلئے کوالیفائی کرسکتی ہے۔ پاکستان ٹیم کے کپتان مصباح الحق نے کہا ہے کہ انکی ٹیم مکمل طور پر فٹ اور بھر پور فارم میں ہے اور سری لنکن ٹیم کو اپنے دوسرے میچ میں شکست دے گی۔ انہوں نے کہا کہ سری لنکن ٹیم کے خلاف کامیابی کے لیے ٹیم کو سخت محنت کرنا ہوگی جس کے لیے انکی ٹیم تیار ہے۔ واضح رہے کہ ایونٹ میں شامل 4 ٹیمیں ایک دوسرے سے تین تین میچز کھیلیں گی اور ایونٹ کی دو بہترین ٹیموں کے درمیان فائنل میچ 22 مارچ کو کھیلا جائیگا۔
