15 مارچ ، 2012 
سلم ڈاگ کی چائلڈ اسٹارروبینہ علی ہالی ووڈ کی فلم میں جلوہ گر ہوں گی
15 مارچ ، 2012
ممبئی…سلم ڈاگ ملینیئر سے شہرت کی بلندیوں پر پہنچنے والی چائلڈ اسٹارروبینہ علی کے قدم ہالی ووڈ تک پہنچ گئے ہیں۔روبینہ کو ہالی ووڈ کے ایگزیکٹو پروڈیوسر مارٹن پنل(Martin Pennell )نے اپنی رومانٹک کامیڈی فلم لارڈ اوونزلیڈی(Lord Owen's Lady )کے لیے سائن کیا ہے جس میں ان کے ساتھ سر انتھونی ہوپکنز(Anthony Hopkins) مرکزی کردار ادا کریں گے۔لارڈ اووَنز لیڈی کی کہانی ایک ویلش نوبل مین کے گرد گھومتی ہے جو ایک بھارتی لڑکی کے عشق میں مبتلا ہوجاتا ہے جبکہ اس فلم کی شوٹنگ برطانیہ کیساتھ بھارت میں بھی کی جائیگی۔8سال کی عمر میں شوبز کے میدان میں آمد کیساتھ ہی تہلکہ مچادینے والی روبینہ علی اب13سال کی عمر میں اپنے دوسرے ہالی ووڈ پراجیکٹ پر کام شروع کررہی ہیں جسکے لیے انہیں31ہزار ڈالر معاوضہ دیا جائیگا۔واضح رہے کہ مضافاتی بستی سے بالی ووڈ میں شہرت کی بلندی تک پہنچنے والی روبینہ کی پہلی فلم Slumdog Millionaireنے آٹھ آسکر ایوارڈز حاصل کیے تھے۔
مزید خبریں :
سائرہ بانو نے اے آر رحمان سے علیحدگی پر خاموشی توڑ دی
24 نومبر ، 2024
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
