19 جنوری ، 2012 
انگلینڈکیخلاف فتح: صدر، وزیراعظم کی قومی کرکٹ ٹیم کومبارکباد
19 جنوری ، 2012
اسلام آباد … صدر آصف علی زرداری اور وزیراعظم یوسف رضا گیلانی نے انگلینڈ کے خلاف ٹیسٹ میچ میں شاندار کامیابی پر قومی کرکٹ ٹیم کو مبارکباد دی ہے۔ صدر نے امید ظاہر کی ہے کہ قومی کرکٹ ٹیم مستقبل میں بھی ملک کے لئے مزید کامیابیاں حاصل کرے گی۔ صدر آصف زرداری نے قومی کرکٹ ٹیم اور پی سی بی کی انتظامیہ کے نام مبارکبادکے پیغام میں دنیا کی نمبرون ٹیم کے خلاف ٹیسٹ میچ میں کامیابی پر کھلاڑیوں کی کارکردگی کو سراہا۔ صدر زرداری نے انگلینڈ کے خلاف اگلے میچز میں بھی کرکٹ ٹیم کی کامیابی کے لئے نیک خواہشات کا اظہار کیا۔ وزیراعظم یوسف رضا گیلانی نے قومی ٹیم کو مبارکباد دیتے ہوئے تمام کھلاڑیوں کی کارکردگی کو سراہا۔ انہوں نے اسپن باوٴلر سعید اجمل کی شاندار باوٴلنگ کی خاص طورپرتعریف کی۔
مزید خبریں :
