پاکستان
21 ستمبر ، 2013
21 ستمبر ، 2013 
قائد حزب اختلاف اور وزیر اعظم کی ملاقات آج پھر ہوگی
21 ستمبر ، 2013
اسلام آباد…قائد حزب اختلاف خورشید شاہ نے توقع ظاہر کی ہے کہ چیئرمین نیب کے نام پر آج اتفاق ہو جائے گا۔ قائد حزب اختلاف سید خورشید شاہ نے وزیر اعظم نواز شریف سے ملاقات میں چیئرمین نیب کے لیے جسٹس ریٹائرڈ میاں محمد اجمل کا نام پیش کیا تاہم وزیر اعظم کی جانب سے کوئی نیا نام سامنے نہیں آیا۔ دونوں قائدین نے فیصلہ کیا کہ آج دوبارہ ملاقات کرکے کوئی حتمی فیصلہ کیا جائے گا۔ میڈیا سے بات کرتے ہوئے خورشید شاہ نے توقع ظاہر کی کہ آج چیئرمین نیب کے نام پر اتفاق ہو جائے گا۔ خورشید شاہ نے بتایا کہ وزیر اعظم نے واضح کیا کہ جاوید ابراہیم پراچہ سے ان کا کوئی تعلق ہے اور نہ ہی انھیں طالبان سے مذاکرات کے لیے ثالث مقرر کیا ہے۔
