اسلام آباد. . . .ملک بھر یوم پاکستان کی تقریبات کاآغاز ہوگیا،پشاور میں اکیس توپوں کی سلامی کے ساتھ یوم پاکستان کی تقریبات کا آغاز کیا گیا۔ اس اہم قومی دن کی مناسبت سے سرکاری و نجی اداروں میں مختلف پروگرام ترتیب دیے گئے ہیں۔ جو دن بھر جاری رہیں گے۔ اسلام آباد،پشاوراور لاہور میں یوم پاکستان کی تقریبات کا آغاز اکیس توپوں کی سلامی سے ہوا۔ پشاور میں جناح پارک جبکہ لاہور کے فورٹریس اسٹیڈیم میں پاک فوج کے دستے نے توپوں کی سلامی دی۔ اس موقع پر پاکستان زندہ باد کے نعرے بھی لگائے گئے اور وطن عزیز کی سلامتی، دفاع اور ترقی کے لیے دعائیں مانگی گئیں۔اس موقع پر دارلحکومت سمیت تمام صوبوں میں یوم پاکستان کی مناسبت سے مختلف تقاریب کا انعقاد کیا گیا ہے۔ اہم سرکاری اور نجی عمارتوں پر قومی پرچم لہرایا جائے گا۔ عبادت گاہوں میں دعائیں مانگی جائیں گی۔ اس کے علاوہ ملک و قوم کے لیے نمایاں خدمات انجام دینے والوں کو سول و فوجی اعزازات سے نوازا جائے گا۔ جس کے لیے ایوان صدر، گورنر ہاوس اور کور ہیڈ کوارٹر میں تقریبات ہوں گی۔ یوم پاکستان کے موقع پر طلبہ اور دیگر افراد کی جانب سے ریلیوں ، تصویری نمائش اور تقریری مقابلوں سمیت کئی دوسرے پروگرامز بھی ترتیب دیے گئے ہیں۔