23 مارچ ، 2012 
نیٹو کو سپلائی کی بحالی ملک کی بربادی ہوگی، محمد حسین محنتی
23 مارچ ، 2012
کراچی … جماعت اسلامی کراچی کے امیر محمد حسین محنتی نے کہا ہے کہ نیٹو کو سپلائی کی بحالی ملک کی بربادی ہوگی، پارلیمنٹ نیٹو کو سامان کی بحالی سے متعلق قرار داد سے باز رہے۔ کراچی میں یونیورسٹی روڈ پر بیت المکرم مسجد کے باہر احتجاجی مظاہرے سے خطاب کرتے ہوئے محمد حسین محنتی نے کہا کہ امریکا افغانستان میں شکست کھا چکا ہے، ایسے مرحلے میں نیٹو سپلائی کی ممکنہ بحالی اسے تازہ دم کرنے کے مترادف ہے۔ مظاہرے میں شریک دیگر مقررین کا کہنا تھا کہ امریکا کو خوش کرنے کیلئے فوجی حکمران عوام دشمن کام کرتے رہے ہیں لیکن منتخب نمائندوں کو یہ کام کرتے ہوئے شرم آنی چاہئے۔ اس موقع پر اعلان کیا گیا کہ جماعت اسلامی کے تحت 27 مارچ کو پارلیمنٹ ہاوٴس کے سامنے احتجاجی ریلی نکالی جائیگی۔
مزید خبریں :
خواجہ سعد رفیق کا ایکس پر پابندی ختم کرنے کا مطالبہ
4 گھنٹے پہلے
عرب دنیا کیلئے میری ٹائم دہشتگردی بڑاچیلنج کیوں؟
8 گھنٹے پہلے
