23 فروری ، 2025 
پی ٹی آئی سمیت تحریک تحفظ آئین پاکستان کے رہنماؤں کی پیر پگارا سے ملاقات
23 فروری ، 2025
کراچی: پی ٹی آئی اور دیگر جماعتوں پر مشتمل اپوزیشن اتحاد تحریک تحفظ آئین پاکستان کے رہنماؤں نے پیر پگارا سمیت جے ڈی اے قیادت سے ملاقات کی۔
تفصیلات کے مطابق تحریک انصاف اور اپوزيشن اتحاد کے رہ نماؤں نے کراچی میں پیر پگارا صبغت اللّٰہ شاہ راشدی، جی ڈی اے رہنما صدر الدین شاہ راشدی سے ملاقات کی جس دوران اہم امور پر گفتگو کی گئی۔
اس موقع پر اسد قیصر نے کہا کہ جی ڈی اے نے ان کی دعوت قبول کی ہے، ملک بھر سے نمائندگی آئے گی کہ پاکستان کو کیسے بچانا ہے، ضرورت ہے کہ پوری قوم نکلے، پیپلز پارٹی نے بڑا مایوس کیا۔
سلمان اکرم راجا نے کہا کہ پی ٹی آئی کی سیاست عوام کی سیاست ہے، پورے ملک میں لوگوں کے حقوق کی جنگ لڑیں گے۔
سربراہ تحریک تحفظ آئین پاکستان محمود خان اچکزئی نے کہا کہ پیر صاحب پگارا کا ایک مقام ہے، انہوں نے وطن کی آزادی کے لیے جدوجہد کی۔
جی ڈی اے رہنما صدر الدین شاہ راشدی نے کہا کہ تمام ایشوز پر کھل کر بات ہوئی، خواہش ہے ہم سب مل کر پاکستان اور آئین کو مضبوط کریں۔
مزید خبریں :
خواجہ سعد رفیق کا ایکس پر پابندی ختم کرنے کا مطالبہ
3 گھنٹے پہلے
عرب دنیا کیلئے میری ٹائم دہشتگردی بڑاچیلنج کیوں؟
7 گھنٹے پہلے
