25 مارچ ، 2012 
کراچی:کلفٹن میں ایم کیو ایم کے مشاعرہ گاہ کے باہر نامعلوم افراد کی فائرنگ
25 مارچ ، 2012
کراچی … کلفٹن کے علاقے دو تلوار کے قریب ایم کیو ایم کے مشاعرہ گاہ کے باہر نامعلوم افراد نے فائرنگ کردی جس کے باعث تقریب میں موجود لوگوں میں خوف و ہراس پھیل گیا اور لوگ اپنی جانیں بچانے کیلئے نیچے لیٹ گئے، تاہم فائرنگ سے کوئی نقصان نہیں ہوا۔ ایم کیو ایم کے ترجمان کے مطابق کلفٹن میں دوتلوار کے قریب ایم کیو ایم کے تحت مشاعرہ منعقد کیا گیا تھا جس میں ایم کیو ایم کے رہنما بھی موجود تھے کہ 3 گاڑیوں میں سوار نامعلوم افراد نے مشاعرہ گاہ کے باہر فائرنگ کردی، تاہم کوئی نقصان نہیں ہوا۔ ترجمان کے مطابق متحدہ قومی موومنٹ کے تحت منعقدہ مشاعرہ بدستور جاری ہے۔ دوسری جانب پولیس کے مطابق مسلح افراد نے دو تلوار کے قریب ہوائی فائرنگ کی اور فرار ہوگئے تاہم اب صورتحال قابو میں ہے۔
مزید خبریں :
