میہڑ … نواز شریف نے کہا ہے کہ آئندہ عام انتخابات میں مسلم لیگ ن سندھ سے نشستیں جیتے گی، پہلے بھی سندھ میں ڈاکو راج مسلم لیگ ن نے ختم کیا حکومت میں آنے پر آئندہ بھی کریں گے، کیا حکومت کو غربت، بیروزگاری اور لوڈشیڈنگ میں اضافے کی مبارکباد دوں، کراچی میں روزانہ قتل ہورہے ہیں حکومت تماشہ دیکھ رہی ہے، سندھ کے عوام کی حالت 4 سال پہلے زیادہ بہتر تھی، نواز شریف کے جلسے کے دوران گو زرداری گو کے نعرے لگتے رہے جس پر انہوں نے جواباً کہا کہ گو گو بہت ہو گیا اب کم کم کی بات کریں۔ مسلم لیگ ن کے قائد نواز شریف سندھ کے دورے کے موقع پر مہیڑ میں عوامی اجتماع سے خطاب کررہے تھے۔انہوں نے کہا کہ سندھ کے عوام کی حالت 4 سال پہلے زیادہ بہتر تھی، صدر زرداری سے معاہدہ صرف عوام کی خاطر کیا، حکومت نے سندھ کے کسی علاقے کی حالت بہتر کرنے کیلئے کوئی اقدامات نہیں کئے۔ انہوں نے کہا کہ سندھ کے عوام کا اتنا ہی درد ہے جتنا پنجاب یا کسی اور صوبے کیلئے ہے، سیلاب متاثرین کی مدد کیلئے میں خود سندھ آیا تھا جبکہ شہباز شریف نے متاثرین کی امداد کیلئے سیکڑوں ٹرک بھیجے تھے۔ ان کا کہنا ہے کہ کراچی میں روزانہ قتل ہورہے ہیں حکومت تماشہ دیکھ رہی ہےِِِ، سندھ میں ڈاکو راج مسلم لیگ (ن) نے ختم کیاتھا، سندھ میں ڈاکو راج کو نواز شریف حکومت ہی ختم کریگی، آئندہ عام انتخابات میں مسلم لیگ ن نشستیں جیتے گی۔ نواز شریف نے کہا کہ جو پارٹی سندھ کی جماعت ہونے کا دعویٰ کرتی ہے اس نے سندھ کیلئے کیا کیا، حکومت کو کیا غربت، بیروزگاری اور لوڈشیڈنگ میں اضافے کی مبارکباد دوں، وزیراعظم گیلانی صاحب حکومت کے 4 سال جس طرح مکمل ہوئے اس پر مبارکباد نہیں دے سکتا۔ نواز شریف کے جلسے کے دوران عوام کی جانب سے گو زرداری گو کے نعرے لگتے رہے جس پر نواز شریف نے کہا کہ گو گو بہت ہوگیا، اب کم کم کی بات کرو۔