پاکستان
21 دسمبر ، 2013
21 دسمبر ، 2013 
پنجاب میں بلدیاتی انتخابات کا باقاعدہ عمل شروع
21 دسمبر ، 2013
لاہور…پنجاب میں بلدیاتی انتخابات کا عمل آج سے باقاعدہ شروع ہو گیا، امیدوار27 دسمبر تک کاغذاتِ نامزدگی وصول کر سکتے ہیں،کل 22 دسمبر سے کاغذات نامزدگی جمع ہونا شروع ہوں گے۔الیکشن کمیشنر پنجاب محبوب انور کا کہنا ہے کہ صوبہ بھر کے 36 اضلاع کے ڈسٹرکٹ ریٹرننگ افسروں سمیت 691ریٹرننگ افسروں کو کاغذات نامزدگی فارم پہنچا دیئے گئے ہیں۔امیدوار آج سے27 دسمبر تک کاغذات نامزدگی وصول کر سکتے ہیں۔کاغذات نامزدگی فارم اردو زبان میں شائع کیے گئے ہیں، جس میں امیدوار کا نام ،ولدیت،شناختی کارڈ نمبر،سمیت منقولہ وغیر منقولہ جائیداد ،بینک اکاونٹس اور زیورات سے متعلق تفصیلات طلب کی گئی ہیں۔
