26 جنوری ، 2014 
بھارت :65ویں یوم جمہوریہ کے تقریبات جاری
26 جنوری ، 2014
نئی دہلی…بھارت کے 65ویں یوم جمہوریہ کے موقع پر خصوصی تقریبات جاری ہیں۔ دارالحکومت میں سیکورٹی سخت انتظامات کئے گئے ہیں، دوسری جانب دنیا بھرمیں کشمیری آج یوم سیاہ منارہے ہیں۔یوم جمہوریہ کی مرکزی تقریب دارالحکومت نئی دلی کے راج پتھ گراونڈ میں جاری ہے ،تقریب میں بھارتی وزیر اعظم من موہن سنگھ، سونیا گاندھی سمیت سیاسی و فوجی حکام شریک ہیں ،تقریب کے مہمان خصوصی جاپانی وزیراعظم شنزو ایبے ہیں۔یوم جمہوریہ پر بھارت میں سیکورٹی ہائی الرٹ ہے ، دلی پولیس کی اسپیشل ٹیمیں، نیشنل سیکورٹی گارڈ ز اور دیگر اسپیشل یونٹس کو مختلف مقامات پر تعینات کیا گیا ہے۔دوسری جانب دنیا بھر میں بسنے والے کشمیری آج یوم سیاہ منا رہے ہیں، جس کا مقصد مقبوضہ کشمیر پر بھارتی قبضے اور انسانی حقوق کی خلاف ورزیوں پر دنیا کی توجہ دلانا ہے۔بھارتی حکومت کی جانب سے کسی ممکنہ خطرے کے پیش نظر مقبوضہ وادی میں موبائل فون اور انٹرنیٹ سروس معطل کی گئی ہے۔
مزید خبریں :
استنبول میں او آئی سی وزرائے خارجہ اجلاس جاری
37 منٹ پہلے
فلسطینی نواز محمود خلیل کی ضمانت، کیا رہائی ہوگی؟
9 گھنٹے پہلے
