کھیل
14 فروری ، 2014
14 فروری ، 2014 
بھارتی بلائنڈ کرکٹ ٹیم واہگہ کے راستے لاہور پہنچ گئی
14 فروری ، 2014
لاہور… بھارتی بلائنڈ کرکٹ ٹیم واہگہ کے راستے لاہور پہنچ گئی۔ مہمان ٹیم کا شاندار استقبال کیا گیا۔بھارتی ٹیم کا واہگہ بارڈر پر پاکستان بلائنڈ کرکٹ کونسل کے عہدیداروں نے استقبال کیا۔ٹیم کو گزشتہ روز لاہور پہنچنا تھا لیکن ٹریفک جام ہونے کی وجہ سے مقررہ وقت پر بارڈر نہ پہنچ سکی۔بھارتی ٹیم مینجمنٹ نے دورہ پاکستان کو خوش آئند قرار دیا ہے۔ پاکستان بلائنڈ کرکٹ کونسل پر امید ہے کہ سیریز سے پاکستان میں بین الاقوامی کرکٹ کے انعقاد کی راہیں کھلیں گی ۔ پاکستان اور بھارت کی بلائنڈ کرکٹ ٹیموں کے درمیان تین ٹی ٹوئنٹی اور تین ون ڈے میچز کی سیریز ہوگی،پہلا ٹی 20 میچ کل لاہور میں کھیلا جا ئے گا۔
