21 فروری ، 2014 
گوجرانوالہ: پسند کی شادی کرنے پر لڑکی کو زہر دیا گیا، شوہر کا الزام
21 فروری ، 2014
گوجرانوالہ …گوجرانوالہ کے علاقے کوٹ میتلہ میں پسند کی شادی کرنے والی کی موت کے حوالے سے اس کے شوہر نے الزام عائد کیا ہے کہ لڑکی کو اس کے گھر والوں نے زہر دے کر قتل کردیا۔ جوڈیشل مجسٹریٹ نے لڑکی کی قبر کشائی کا حکم دے دیا ۔تفصیلات کے مطابق گوجرانوالہ میں پسند کی شادی کرنے والی لڑکی کو مبینہ طور پر گھروالوں نے زہر دیکر قتل کرنے کے بعد موت طبعی ظاہر کردی۔ شوہر کی درخواست پر جوڈیشل مجسٹریٹ نے قبر کشائی کے بعد پوسٹ مارٹم کا حکم دے دیا۔ گوجرانوالہ کے رہائشی کاشف علی نے عدالت میں درخواست دی کہ پسند کی شادی پر ناراض اس کی اہلیہ کے گھروالوں نے اسے بہانے سے بلانے کے بعد زہر دے کر قتل کردیا۔ بعد میں طبعی موت ظاہر کرکے اس کی تدفین کردی گئی۔ جوڈیشل مجسٹریٹ کے حکم پر کل خاتون کی قبرکشائی کی جائے گی اور پوسٹ مارٹم کرایا جائے گا۔ تھانہ تتلے عالی میں لڑکی کے والد اور بھائی کے خلاف مقدمہ درج کرلیا گیا ہے۔
مزید خبریں :
امریکا میں سفارتکاری: بلاول بمقابلہ بینظیر بھٹو
5 گھنٹے پہلے
گوادر میں زلزلے کے جھٹکے، شدت 3 ریکارڈ
9 گھنٹے پہلے
کراچی اور اورماڑہ میں زلزلے کے جھٹکے محسوس کیے گئے
10 گھنٹے پہلے
