03 مارچ ، 2014 
امن کوششوں کو سبوتاژ کرنے کیلئے ملک دشمن قوتیں برسر پیکار ہیں، سمیع الحق
03 مارچ ، 2014
اسلام آباد…طالبان کمیٹی کے رکن مولانا سمیع الحق نے اسلام آبادکچہری واقعے پر افسوس کا اظہار کرتے ہوئے کہا ہے کہ امن کوششوں کو سبوتاژ کرنے کیلئے ملک دشمن قوتیں برسر پیکار ہیں، طالبان کو شرانگیز کارروائیوں سے علیحدگی کا اعلان کرنا ہوگا۔ اسلام آباد میں میڈیا سے گفتگو کرتے ہوئے مولانا سمیع الحق نے کہا کہ ملک دشمن عناصر کی نشاندہی کرکے بے نقاب کیا جائے ، طالبان نے اسلام آباد واقعے کی تردید کی ،حکومت بغیر تحقیق کسی کارروائی کو طالبان کے کھاتے میں نہ ڈالے،طالبان شرانگیزی ،تخریب کاری میں ملوث نہ ہونے کا اعلان کریں ۔انہوں نے کہا کہ قیدیوں کی فہرستیں آگئیں،حکومت کہے گی تو فراہم کردیں گے ،شورش زدہ علاقوں میں محفوظ علاقے ڈکلیئر کرنے چاہئیں،حکومت غلامانہ پالیسیوں پر نظر ثانی کرے ،طالبان کا اپنے بیوی ، بچوں کی رہائی کا مطالبہ ہے اسے پورا کیاجائے۔انہوں نے کہا کہ کل یا پرسوں حکومتی کمیٹی سے ملاقات ہوجائے گی ۔
مزید خبریں :
پی آئی اے نے خلیج کیلئے فلائٹ آپریشن بحال کردیا
3 گھنٹے پہلے
محکمہ موسمیات نے کراچی میں بارشوں کی خوشخبری سنادی
23 جون ، 2025
