10 مارچ ، 2014 
تھرپارکر میں بچوں کی ہلاکت، ازخود نوٹس کی سماعت آج ہوگی
10 مارچ ، 2014
اسلام آباد…تھرپارکر میں اناج سے گودام بھرے ہوئے ہیں، غریب خالی پیٹ ہیں، سپریم کورٹ آج ازخود نوٹس کی سماعت ہوگی۔وزیراعظم بھی مِٹھی پہنچیں گے اور امدادی سرگرمیوں کا جائزہ لیں گے۔تھر کے ریگستان میں بھوک اڑ رہی ہے،افلاس کے بادل چھا رہے ہیں،گندم میں خود کفیل اس ملک کے باشندے اناج کے ایک دانے اور پانی کی ایک بوند کو ترس رہے ہیں،100سے زائد مائیں اپنے جگر گوشوں کو پتھرائی آنکھوں کے ساتھ زمین کے سپرد کرچکیں،زندہ بچ جانے والوں کو ماوٴں نے انجانے خوف سے سینے سے لگا رکھا ہے۔ تھر کے ضلع کے 5گوداموں میں گندم کی بوریاں دکھاوے کے لیے تو موجود ہیں لیکن اپنی زندگی کی بقا کی جنگ لڑنے والوں کے لیے نہیں،اب تک 45 ہزار بوری گندم میں سے صرف نو سو اسی بوریاں ہی تقسیم کرنے کی تکلیف اٹھائی گئی ہے،امداد کا سارا شور غوغا ضلعی ہیڈ کوارٹر مٹھی تک ہی سنائی دے رہا ہے،اس سے آگے کے ڈھائی ہزار دیہات اس امداد کی شکل بھی نہ دیکھ سکے،عدالت نے صورت حال پر از خود نوٹس لیا ،جس کی سماعت آج چیف جسٹس کی سربراہی میں بنچ کرے گا۔
مزید خبریں :
امریکا میں سفارتکاری: بلاول بمقابلہ بینظیر بھٹو
3 گھنٹے پہلے
گوادر میں زلزلے کے جھٹکے، شدت 3 ریکارڈ
7 گھنٹے پہلے
کراچی اور اورماڑہ میں زلزلے کے جھٹکے محسوس کیے گئے
8 گھنٹے پہلے
