17 اپریل ، 2014 
تمام ملک پاکستان سے کھیلنے کی تحریری رضامندی پر تیار ہیں،نجم سیٹھی
17 اپریل ، 2014
لاہور…چیئرمین پی سی بی نجم سیٹھی کاکہناہے کہ بگ تھری کی حمایت فیوچرٹورپروگرام سے مشروط ہے،تمام ممالک پاکستان سے کھیلنے کی تحریری یقین دہانی پرتیارہیں۔چیئرمین پی سی بی نے کہاکہ بگ تھری کی حمایت اسی صورت میں ہوسکتی ہے جب دیگرممالک کی طرف سے پاکستان کواچھاشیڈول ملے گا،تمام ممالک کرپاکستان سے کھیلنے کیلیے لکھ کردینے کوتیار ہیں۔انہوں نے کہاکہ پاک بھارت کرکٹ کی بحالی دونوں ملکوں کے مفاد میں ہے،رواں سال بھارت سے تین ٹی ٹوینٹی میچزکھیلناچاہتے ہیں لیکن انڈین ٹیم کاشیڈول بہت مصروف ہے،البتہ آئندہ سال بھارت سے یواے ای میں سیریز کاامکان ہے۔نجم سیٹھی نے کہاکہ بی سی سی آئی سے پاکستانی کھلاڑیوں کی آئی پی ایل میں شرکت سے متعلق بات ہوئی ہے لیکن اب تک بھارت نے کوئی یقین دہانی نہیں کرائی۔
