17 اپریل ، 2014 
ملک گیر وزیر اعظم ہنرمنداسکیم میں خواجہ سراوٴں کے ترجیحی بنیادوں پر داخلے
17 اپریل ، 2014
اسلام آباد…خواجہ سراوٴں کے لیے ایک خوشی کی خبر،بیروزگار نوجوانوں کے لیے ملک گیر وزیر اعظم ہنرمنداسکیم میں خواجہ سراوٴں کو ترجیحی بنیاد پر داخلے دیئے جا رہے ہیں،مفت تکنیکی تربیت اور 2 ہزار روپے ماہانہ وظیفہ بھی ملے گا۔نیشنل ووکیشنل اینڈ ٹیکنیکل ٹریننگ کمیشن کی جانب سے جاری اعلامیے کے مطابق ملک گیر سطح پر25 ہزاربیروزگار نوجوانوں کے لیے ہنر مند اسکیم میں داخلوں کا آغاز ہوگیا ہے، اسکیم میں خواجہ سراوٴں کوترجیحی بنیاد پر داخلہ دیا جا رہا ہے،خواتین کی ساڑھے آٹھ ہزار نشستیں اور معذور افراد کے لیے 10 فی صد کوٹہ مختص کیا گیا ہے۔تکنیکی تربیت حاصل کرنے والوں کو مفت تربیت اور ماہانہ دو ہزار روپے وظیفہ دیا جائے گا ،تاہم فاٹا کے نواجوں کے لیے وظیفہ تین ہزار ماہانہ ہے،حکام کے مطابق تربیتی کلاسز کا باقاعدہ آغاز 12 مئی سے ہو گا۔
مزید خبریں :
پی آئی اے نے خلیج کیلئے فلائٹ آپریشن بحال کردیا
1 گھنٹے پہلے
محکمہ موسمیات نے کراچی میں بارشوں کی خوشخبری سنادی
23 جون ، 2025
