کراچی........آل کراچی تاجر اتحاد کی سپریم کونسل کے وفد نے چیئر مین عتیق میر کی قیادت میں ایم کیوایم رابطہ کمیٹی کے ڈپٹی کنوینر ڈاکٹر خالد مقبول صدیقی ، ارکان رابطہ کمیٹی احمدسلیم صدیقی اور بابر خان غوری سے ملاقات کی۔اس موقع پر اے کے ٹی آئی کے چیئرمین عتیق میر نے گزشتہ دنوں حق پرست رکن قومی اسمبلی شہید طاہرہ آصف کے بہیمانہ قتل کی مذمت کرتے ہوئے انکی مغفرت کے لئے دعا کی ۔ میاں عتیق نے کہا کہ قائد تحریک الطاف حسین نے ہمیشہ تاجر برادری کے حقوق کیلئے آواز بلند کرتے ہوئے شہر میں جاری تاجروں کے اغواء اور بھتہ خوری کی ہمیشہ مخالفت اور مذمت کی ہے یہی وجہ ہے کہ کراچی شہرکے تمام تاجر ایم کیو ایم کے ساتھ ہر مشکل گھڑی میں موجود ہوتے ہیں ۔تاجر وفد نے کہا کہ ایم کیو ایم اور تاجروں کے درمیان رابطوں کومزید موثر بنانے کے لئے ایم کیو ایم کے ارکان اور تاجروں پر مشتمل مشترکہ’’ ایم کیو ایم تاجر رابطہ کمیٹی‘‘ کے نام سے فورم بنایاجائے تاکہ تاجر برادری ایم کیوایم کی قیادت سے مزید موثر انداز میں مشاورت کر سکے۔عتیق میرنے کہا کہ ایم کیو ایم مظلوموں اور غریبوں کی جماعت ہے جس نے ہر مشکل گھڑی میںملک کے مظلوم عوام کے حقوق کی بات کی ہے اور تاجر برادری سمیت ملک کے تمام طبقات میں برابری اور رواداری کی کوششیں کی ہیں ۔ملاقات کے موقع پر رابطہ کمیٹی کے ڈپٹی کنوینرڈاکٹر خالد مقبول صدیقینے آل کراچی تاجر اتحاد کے وفد کی آمد پر اظہار تشکر کرتے ہوئے تاجر برادری کو اپنے ہرممکن تعاون کا یقین دلایا،اور کہا کہ کراچی کی تاجر برادری ملک کی معیشت میں ریڑھ کی ہڈی کا کردار رکھتی ہے اور یہی وجہ ہے کہ الطاف حسین نے ہمیشہ تاجر برادر ی سمیت ملک کے ہر طبقہ کے حقوق کی آواز بلند کی ہے اور کراچی میں تاجروں کے ساتھ ہونے والی ہر نا انصافی کے خلاف سب سے پہلے آواز بلندکی ہے ۔دریں اثنا رابطہ کمیٹی نے یونٹ 118-Aکے کارکن شہاب الدین کے والد اکرا م امین ، یونٹ 130قصبہ علیگڑ ھ سیکٹر کے کارکن محمد عابد قریشی کے والد عبد المجید قریشی اور اسی سیکٹر کے کارکن وہاب ظہیر الدین کی والدہ عبدہ بیگم کے انتقال پر گہرے دکھ اور افسو س کا اظہار کیا ہے ۔علاوہ ازیںمتحدہ قومی موومنٹ کی رکن قومی اسمبلی شہید طاہرہ آصف کے ایصال ثواب کیلئے کوئٹہ زون کی جانب سے قرآن خوانی و فاتحہ خوانی کے اجتماع کا انعقاد کیا گیا۔ اس موقع پر رکن رابطہ کمیٹی یوسف شاہوانی ،انچارج صوبائی تنظیمی کمیٹی بلوچستان کے رکن عبد الخالق بلوچ و اراکین،سینٹرل ایگزیکٹو کونسل کے رکن سید سلیم اخترایڈوکیٹ ،زونل انچارج کوئٹہ پیر بخش سمالانی و اراکین زونل کمیٹی سمیت ذمہ داران و کارکنان نے بڑی تعداد میں شرکت کی ۔