24 جون ، 2025 
انگلینڈ کیخلاف میچ: امپائر کیخلاف غصہ نکالنا رشبھ پنت کو بھاری پڑ گیا
24 جون ، 2025
بھارت اور انگلینڈ کے خلاف میچ کے دوران انٹرنیشنل کرکٹ کونسل نے بھارتی کرکٹر رشبھ پنت کو تنبیہ کردی۔
انگلینڈ کے خلاف پہلے ٹیسٹ کے تیسرےروز آئی سی سی نے بھارتی کھلاڑی رشبھ پنت کے خلاف ضابطہ اخلاق کی خلاف ورزی پر تنبیہ جاری کی۔
آئی سی سی کے مطابق رشبھ پنت آئی سی سی کوڈ آف کنڈکٹ کے لیول ون کی خلاف ورزی کے مرتکب قرارپائے جس کے سبب انہیں ایک ڈی میرٹ پوائنٹ بھی دیا گیا ہے۔
رشبھ پنت نے کیا کیا تھا؟
واضح رہے کہ بھارتی کرکٹر رشبھ پنت نے بھارت اور انگلینڈ کے پہلے ٹیسٹ کے تیسرےروز فیلڈنگ کےدوران امپائر کےفیصلے کے خلاف ناراضگی کا اظہارکیا تھا۔
انگلینڈ کی بیٹنگ کےدوران رشبھ پنت نے گیند کی کنڈیشن پر امپائر سے بحث کی تھی بعد ازاں امپائر کی جانب سے گیند کو تبدیل کرنے سے انکارپر رشبھ پنت نے گیند زمین پر مارا تھا۔
