18 اپریل ، 2012 
توہین عدالت قانون آرٹیکل 10اے کے تحت کالعدم ہوسکتا ہے، اعتزاز
18 اپریل ، 2012
اسلام آباد… وزیراعظم کے خلاف توہین عدالت کیس کی کارروائی آج بھی جاری ہے اور جسٹس ناصر الملک کی سربراہی میں 7رکنی بینچ کیس کی سماعت کر رہا ہے۔ عدالت نے وزیراعظم کے وکیل اعتزاز احسن کو دو دن میں دلائل مکمل کرنے کی ہدایت کی ہے۔ آج جب سماعت شروع ہوئی تو اعتزاز احسن نے آرٹیکل 10اے کے حوالے سے دلائل جاری رکھے۔ انہوں نے کہا کہ آرٹیکل 10اے میں کوئی ابہام نہیں، یہ فیئر ٹرائل سے متعلق ہے، توہین عدالت کا قانون آرٹیکل 10اے کے تحت کالعدم ہوسکتا ہے۔ ۔ اس موقع پر جسٹس آصف نے ریمارکس دیئے کہ آرٹیکل 4کے مطابق وہ قوانین بھی قبول کرنا پڑتے ہیں جو ناپسندیدہ ہوں، دیکھنا ہوگا عدالت اس بنیاد پر قانون ختم کرنے کا اختیار رکھتی ہے یا نہیں۔ جسٹس گلزار نے ریمارکس دیئے کہ پارلیمانی کمیٹی کا ریکارڈ بتا سکتا ہے کہ آرٹیکل 10اے کس مقصد کے تحت شامل ہوا۔
