شکاگو........ایم کیو ایم امریکہ کے زیر اہتمام قائد تحریک الطاف حسین کی 61 ویں سالگرہ تجدید عہد وفا کے طور پر منائی گئی۔ امریکہ کے 18سے زائد شہروں میں تجدید عہد وفا کے اجتماعات منعقد ہوئے جس میںسینٹرل آرگنائزر جنید فہمی، جوائنٹ آرگنائزرز محمد ارشد حسین اور ندیم صدیقی سمیت سینٹرل آرگنائزنگ کمیٹی کے اراکین ، چیپٹر انچارجز ، مختلف شعبہ جات کے ذمہ داران اور کارکنان کے ساتھ پاکستانیوں کی کثیر تعداد نے شرکت کی۔ اس موقع پر پاکستان کے سیلاب زدگان کے لئے فند بھی اکٹھا کیا گیا۔سینٹرل آرگنائزر جنید فہمی نے اجتماع سے خطاب کرتے ہوئے کہا کہ الطاف حسین پاکستان کی بقاء، سلامتی اور خوشحالی کی علامت بن چکے ہیں ، ملک میں وسائل کی منصفانہ تقسیم سے لے کرنچلی سطح تک اختیارات کی منتقلی کے لئے قائد تحریک الطاف حسین مسلسل جدوجہد کر رہے ہیںاور اب وہ دن دور نہیں کے جب پاکستان وڈیروںاور جاگیرداروںکے چنگل سے آزاد ہو گا۔جوائنٹ آرگنائزر محمد ارشد حسین نے کہا کہ الطاف حسین کی جانب سے نئے صوبوں کے قیام کی تجویز دراصل ملک بچانے کا فارمولا ہے، اگر آج بھی حکمرانوں نے عدم مرکزیت کو فروغ نہ دیا اور نئے انتظامی یونٹس نہ بنائے گئے تو پھر حقوق سے محروم عوام یہ فیصلے اپنے ہاتھوں میں لینے پر مجبور ہو جائیں گے۔ جوائنٹ آرگنائزر ندیم صدیقی نے کہا کہ سندھ کے شہری علاقوں کے ساتھ متعصبانہ سلوک فی الفور بند کیا جائے، سندھ دھرتی کی تقسیم کسی صورت قبول نہیں کے کھوکھلے نعرے لگانے والے مہاجروں کو دیوار سے لگا کر کیا سندھ کی وحدت پر از خود کاری ضربیں نہیں لگا رہے؟ سالگرہ کے اجتماعات میں کارکنان کا جوش وخروش قابل دید تھا۔ذمہ داران و کارکنان نے اپنے اس عہد کی تجدید کی کہ وہ تحریک کے مشن کے لئے کسی قربانی سے دریغ نہیں کریں گے اور قائد تحریک کے وفادار رہیں گے ۔ اس موقع پرشہداء کے بلند درجات اور الطاف حسین کی صحت اور درازی عمر کے لئے خصوصی دعائیں کی گئیں۔