23 اپریل ، 2012 
ماحولیاتی تبدیلی: مشترکہ کاوشوں سے اثرات کم کرسکتے ہیں، وزیراعظم بھوٹان
23 اپریل ، 2012
تھمپو … بھوٹان کے وزیر اعظم کا کہنا ہے کہ جنوبی ایشیائی ممالک مشترکہ کاوشوں سے ماحولیاتی تبدیلی کے منفی اثرات کو کم کرسکتے ہیں۔ بھوٹان کے شہر پارو میں ماحولیاتی تبدیلی اور توانائی کے شعبے میں تعاون کے موضوع پر سارک چیمبرز اور بھوٹان چیمبر آف کامرس اینڈ انڈسٹری کے تعاون سے کانفرنس منعقد کی گئی۔ کانفرنس سے خطاب میں وزیر اعظم بھوٹان جگمے تھنلے کا کہنا تھا کہ جنوب ایشیائی خطے میں توانائی کی قلت ہے لیکن آپس میں تعاون سے اس خطے کے ممالک اضافی توانائی حاصل کرسکتے ہیں۔ اس موقع پر سارک چیمبر کے صدر وکرم جیت سنگھ نے مطالبہ کیا کہ ماحول کے تحفظ کے منصوبوں کی تکمیل کیلئے ایک مشترکہ فنڈ تشکیل دیا جائے۔ انہوں نے کہا کہ خطے کے ممالک معلومات اور مہارت کے تبادلے سے اس مسئلے پر قابو پانے کیلئے کاوشیں کرسکتے ہیں۔ کانفرنس میں بھوٹان، بنگلہ دیش، بھارت، نیپال، سری لنکا اور پاکستان کے مندوبین نے شرکت کی۔
مزید خبریں :
ٹرمپ اور یوکرینی صدر گتھم گتھا، اے آئی ویڈیو وائرل
9 گھنٹے پہلے
روس کی یوکرین میں یورپی امن دستوں کی ممکنہ تعیناتی کی مخالفت
04 مارچ ، 2025
ڈونلڈ ٹرمپ نے یوکرین کیلئے تمام فوجی امداد روک دی
04 مارچ ، 2025
