24 نومبر ، 2014 
سوئس عدالت کا فیصلہ وزارت قانون کو بھجوا دیا، سلمان اسلم
24 نومبر ، 2014
اسلام آباد.....اٹارنی جنرل سلمان اسلم بٹ کا کہنا ہے کہ ضبط شدہ زیورات سے متعلق سوئس عدالت کا فیصلہ مل گیا ہے جو وزارت قانون کو بھجوا دیا گیا ہے اور اسی نے کوئی فیصلہ کرنا ہے۔ ذرائع کا دعویٰ ہے کہ سوئس عدالت نے زیورات کو آصف علی زرداری کی ملکیت قرار دیا ہے۔ اٹارنی جنرل سلمان اسلم بٹ کےمطابق ضبط شدہ زیورات سے متعلق سوئس عدالت کا فیصلہ لیگل فرم کے ذریعے موصول ہوا ہے، یہ فیصلہ سوئس زبان میں ہے جسے وزارت قانون کو بھجوا دیا ہے، اور اسی نے کوئی فیصلہ کرنا ہے۔ ذرائع کا کہنا ہے کہ سوئس عدالت نے ضبط شدہ زیورات کو آصف زرداری کی ملکیت قرار دیا ہے اور بومر فنانس کمپنی کی جانب سے جیولری کی ملکیت کا دعویٰ مسترد کیا ہے۔ ذرائع کے مطابق یہ زیورات ایس جی ایس اور کو ٹیکنا ریفرنس کی تحقیقات کے دوران ضبط کیے گئے تھے۔
مزید خبریں :
راول ڈیم میں نہاتے ہوئے 3 نوجوان ڈوب کر جاں بحق
54 منٹ پہلے
امریکا میں سفارتکاری: بلاول بمقابلہ بینظیر بھٹو
12 گھنٹے پہلے
گوادر میں زلزلے کے جھٹکے، شدت 3 ریکارڈ
08 جون ، 2025
