پونا…انڈین پریمیئر لیگ کے جمعرات کو ہونے والے واحد میچ میں دکن چارجرز نے پونا وارئیرز کو 18رنز سے شکست دیکر ٹورنامنٹ میں اپنی پہلی فتح حاصل کی۔واضح رہے کہ دکن چارجرز اس سے قبل مسلسل پانچ شکستوں سے دوچار ہوچکی ہے۔جبکہ پچھلے میچ میں بارش نے اسے ایک پوائنٹ دلایا تھا۔اس سے قبل پونا کے سبراتا رائے سہارا اسٹیڈیم میں ہونے والے اس میچ کا ٹاس دکن کے کپتان کمار سنگاکار انے جیت کر پہلے بیٹنگ کا فیصلہ کیااور اپنے مقررہ بیس اوورز میں چار وکٹوں کے نقصان پر 177کا مجموعہ ترتیب دیا۔جس میں جنوبی افریقہ کے کیمرون وائٹ 78 قابل ذکر بیٹسمین تھے جنھوں نے صرف 46گیندوں پر اٹھتہر کی شاندار باری کھیلی۔جواب میں پونا وائیرز نے بیس اوورز میں سات وکٹیں کھوکر 159تک محدود رہی، جس میں رابن اتھاپا 29اوراسمتھ 26قابل ذکر بیٹسمین تھے۔ اس طرح دکن نے یہ میچ اٹھارہ رنز سے جیت لیا۔دکن کی جانب سے اشیش ریڈی اور رسٹی تھرون نے دو دووکٹیں حاصل کیں۔واضح رہے کہ جیو سوپر نے یہ میچ پونا سے براہ راست اپنے ناظرین کو دکھایا۔