29 دسمبر ، 2014 
بھارت کاپاکستانی سرحد سے ملحقہ اضلاع میںطلباءکو فوجی تربیت دینے کا اعلان
29 دسمبر ، 2014
کراچی.... رفیق مانگٹ......بھارتی ریاست گجرات کی وزیر اعلیٰ نے پاک بھارت سرحد پر واقع شہروں ، قصبوں اور دیہاتوں کے اسکولوں اور کالجوں کے طالب علموںکو فوجی تربیت دینے کا اعلان کردیا۔بھارتی ذرائع ابلاغ کے مطابق گجرات کی وزیر اعلیٰ آنندی بن پٹیل نے کہا کہ ان کی حکومت نے پاکستان سے ملحقہ اضلاع میں اسکول اور کالج کے طالب علموں کے لئے فوج کی تربیت دینے کا منصوبہ بنایا ہے۔ جونا گڑھ میں ایک تقریب سے خطاب کرتے ہوئے ان کا کہنا تھا کہ سرحد کے ساتھ کچھ اضلاع سیکورٹی کے لحاظ سے کمزور ہیں۔ ان کو تحفظ فراہم کرنے کی ذمہ داری ان کی ہے۔لہذا پرائمری اور ثانوی اسکولوں کے طالب علموں کے ساتھ ساتھ سرحدی اضلاع میں کالج کے طلباءکوفوجی ٹر یننگ دی جائے گی اور ریاستی حکومت نے اس کے لئے بعض منصوبے بنائے ہیں۔ کچھ،بناسکانتھا اور پتن اضلاع کی سرحدیں پاکستان سے ملتی ہیں۔ان اضلاع کے سرکاری اسکولوں کے لئے فوجی تربیت دینے کا منصوبہ بنایا گیا ہے۔
مزید خبریں :
