10 نومبر ، 2022
قومی کرکٹر اعظم خان نے پاکستان کے فائنل میں کوالیفائی کرنے کے بعد ناقدین کو آڑے ہاتھوں لے لیا۔
ٹوئٹر پر جاری بیان میں اعظم نے کہا 'میں پہلے دن سے کہتا آرہا ہوں کہ اپنی ٹیم اور کھلاڑیوں کی حمایت کریں'۔
انہوں نے کہا کہ 'جب چیزیں درست سمت میں جارہی ہوں تو کسی کو سپورٹ کی ضرورت نہیں ہوتی، برے وقت میں انسان کو اپنے کولیگز کے تعاون کی ضرورت ہوتی ہے'۔
اعظم خان نے لکھا 'مجھے ان لوگوں پر فخر ہے، ہم نے فائنل میں جگہ بنالی'۔
واضح رہے کہ گزشتہ روز پاکستان نے نیوزی لینڈ کو سیمی فائنل میں شکست دے کر فائنل کے لیے کوالیفائی کرلیا۔
