11 نومبر ، 2022 
11 نومبر ، 2022
سابق بھارتی کپتان سنیل گواسکر نے ورلڈکپ جیتنے کی صورت میں مذاقاً بابراعظم کے وزیراعظم بننے کی پیشگوئی کی۔
دوسرے سیمی فائنل سے قبل غیر ملکی میڈیا سے گفتگو کرتے ہوئے سنیل گواسکر کا ازراہ مذاق کہنا تھا کہ اگر پاکستان ورلڈکپ جیت گیا تو 2048 میں بابر پاکستان کے وزیراعظم ہوں گے۔
اس موقع پر شین واٹسن کے ہمراہ پینل میں موجود تمام افراد بھی قہقہہ لگانے پر مجبور ہوگئے۔
1992 کے ورلڈکپ کے کپتان عمران خان نے اس شاندار فتح کے بعد ریٹائرمنٹ کا اعلان کردیا تھا اور 1996 میں پاکستان تحریک انصاف کی بنیاد رکھی تھی۔
حالیہ ٹی ٹوئنٹی ورلڈکپ میں پاکستان کی لگاتار شکست کے بعد فتح اور سیمی فائنل سے فائنل تک رسائی کی متعدد صورتحال 1992 کے ورلڈکپ جیسی ہیں، 1992 میں پاکستان نے سیمی فائنل میں نیوزی لینڈ کو شکست دی تھی اور اس فائنل میں اس کامقابلہ انگلینڈ سے تھا۔
