-----

رنبیر نے فلم کی ناکامی پر پروڈیوسرز کو ادائیگی کی یقین دہانی کرادی

Ranbir Offer To Pay

سلمان خان کے بعد رنبیر کپور نے بھی فلم کی ناکامی کی صورت میں ڈسٹری بیوٹرز کو رقم واپس کرنے کا وعدہ کرلیا۔

سلمان خان سے متاثر ہو کر بھارتی اداکار رنبیر کپور نے بھی پروڈیوسرز کو یقین دہانی کرادی ہے کہ اگر ان کی کل ریلیز ہونے والی فلم "جگا جاسوس" ڈسٹری بیوٹرز کی تواقعات کے مطابق بزنس نہ کر سکی تو انہیں معاوضے کی ادائیگی کی جائے گی۔

رنبیر کا کہنا تھا کہ ان کے دادا نے بھی اپنی دو فلموں "میرا نام جوکر" اور فلم "بوبی" کے نقصان کے بعد ڈسٹری بیوٹرز کو پیسے واپس کیے تھے۔

اداکار کا مزید کہنا تھا کہ اگر ایک انسان فلم سے پیسے کما رہا ہے اور دوسرے کا نقصان ہوا ہے تو کمانے والے کو اسے معاوضہ دینا چاہیئے ۔

خیال رہے کہ فلم "جگا جاسوس" میں رنبیر کپور اور کترینہ کیف ایک بار پھر ساتھ نظر آئیں گے جب کہ فلم کے ہدایتکار انوراگ باسو ہیں جو کل 14 جولائی کو ریلیز ہوگی۔