17 ستمبر ، 2017
برطانوی بارڈر ایجنسی نے منشیات اسمگلنگ کے شبے میں اسلام آباد سے لندن پہنچنے والی پرواز پی کے785 کو پانچ گھنٹے تلاشی کے بعد کلیئر قرار دے دیا ۔
پی آئی اے حکام کے مطابق طیارے کی تلاشی برطانوی بارڈر ایجنسی کے 17 ارکان نے لی اور اس عمل میں سراغ رساں کتوں کی مدد بھی لی گئی۔
کارروائی منشیات اسمگلنگ کے خدشے پر کی گئی اور تلاشی کے دوران طیارے کے پینلز بھی اکھاڑے گئے تاہم 5 گھنٹے تلاشی کے بعد جہاز کو کلیئر قرار دیا گیا۔
اس سے قبل رواں سال مئی میں بھی برطانیہ کی نیشنل کرائم ایجنسی نے لندن ایئرپورٹ پر پی آئی اے کے طیارے سے ہیروئن برآمد کرنے کا دعویٰ کیا تھا۔