18 اکتوبر ، 2017
طالبان کے افغان صوبے پکتیہ اور غزنی میں حملوں کے نتیجے میں ہلاکتوں کی تعداد 71 ہوگئی۔
غیرملکی میڈیا کے مطابق گزشتہ روز افغان صوبے پکتیہ میں خودکش حملے اور پولیس ٹریننگ سینٹر پر حملے کے نتیجے میں ہلاکتوں کی تعداد 41 ہوگئی جب کہ 150 کے قریب زخمی ہیں۔
طالبان کی جانب سے دوسرا حملہ صوبہ غزنی میں کیا گیا جہاں کار دھماکے کے نتیجے میں 30 افراد ہلاک ہوئے۔
پکتیہ کے گورنر ہدایت اللہ حامدی کے مطابق طالبان نے پولیس ٹریننگ سینٹر پر حملے کے لئے سیکیورٹی فورسز سے ٹرک چھینا جسے کارروائی میں استعمال کیا گیا جب کہ حملے میں پولیس چیف بریگیڈئیر جنرل توریالی ابدیانی بھی ہلاک ہوئے۔