ہنگورجہ : مسافر وین کا گیس سلنڈر پھٹ گیا،12جاں بحق،12زخمی
خیر پور…ہنگورجہ کے قریب مسافر وین کا گیس سلنڈر ہنگورجہ کے قریب اچانک دھماکے سے پھٹ گیا اور وین میں اگ لگ گئی،حادثے میں 12 مسافرجاں بحق اور10 زخمی ہوگئے۔پولیس کے مطابق مسافر وین سٹھارجہ سے ٹھری میرواہ جارہی تھی کہ ہنگورجہ کے قریب وین کا گیس سلنڈر اچانک پھٹ گیا، جس سے وین میں آگ بھڑک اٹھی۔ پولیس کے مطابق وین میں 25 سے 27 مسافر سوارتھے جو کہ ایک کاٹن فیکٹری سے مزدوری کے بعد اپنے گھروں کو واپس جارہے تھے ،حادثے کی شکار ہونے والی وین میں لگی ہوئی آگ کو اطراف کے دیہاتیوں نے اپنی مدد اپ کے تحت بجھایا جبکہ آگ بجھانے کا عملہ کافی دیر بعد جائے حادثہ پر پہنچا، جھلس کر زخمی ہونے والوں کو ہنگورجہ اور سٹھارجہ اسپتالوں منتقل کردیا گیا،10 زخمیوں میں سے 8 کی حالت تشویشناک بتائی جاتی ہے،تاہم زخمیوں کو سول اسپتال کراچی منتقل کرنے کے انتظامات کئے جارہے ہیں،دوسری جانب ڈی سی او خیرپور نے ناقص سلنڈررکھنے والی مسافر وینوں پر پابندی عائدکردی ہے۔