18 فروری ، 2015 
لاہور : پی ٹی سی ایل کی عمارت میں آتشزدگی،جانی نقصان نہیں ہوا
18 فروری ، 2015
لاہور......لاہور میں ایجرٹن روڈ پر پی ٹی سی ایل کی عمارت میں آگ بھڑک اٹھی ،جس پر پون گھنٹہ میں قابو پالیا گیا،کسی جانی نقصان کی اطلاع نہیں ملی۔تاہم واقعہ کی تحقیقات کے لئے کمیٹی قائم کر دی گئی ہے۔ریسکیو ٹیم کے مطابق پی ٹی سی ایل کی 8 منزلہ عمارت کے چوتھے فلور پر آگ لگی،آگ کے شعلے عمارت کی کھڑکیوں سے باہر آتے رہے،تاہم ریسیکیو اور فائربریگیڈ کی 12 گاڑیوں نے پون گھنٹہ کی کوشش کے بعد آگ پر قابو پالیا،ڈی سی او عثمان احمد کے مطابق آگ اسکریپ کے گودام میں لگی،ایکسچینجز محفوظ رہیں اور کسی جانی نقصان کی اطلاع بھی نہیں ملی ،آگ لگنے کی وجوہات معلوم کرنے کے لئے اے ڈی سی جی کی سربراہی میں اعلیٰ سطحی کمیٹی قائم کر دی گئی ہے،واضح رہے کہ گزشتہ سال ستمبر میں اسی عمارت میں آگ لگی تھی اور بیشتر علاقوں میں ٹیلی فونز اور انٹر نیٹ کی سہولت بند ہو گئی تھی۔
مزید خبریں :
گوادر میں زلزلے کے جھٹکے، شدت 3 ریکارڈ
3 گھنٹے پہلے
کراچی اور اورماڑہ میں زلزلے کے جھٹکے محسوس کیے گئے
4 گھنٹے پہلے
