پاکستان
23 مارچ ، 2015
23 مارچ ، 2015 
واہگہ:پرچم اتارنے کی تقریب جوش و خروش سےغیرمعمولی بن گئی
23 مارچ ، 2015
اہور........واہگہ بارڈر لاہور پر پرچم اتارے جانے کی روایتی تقریب آج شرکاء کے جوش و خروش سے غیرمعمولی بن گئی۔ پریڈ کے دوران اہل وطن کے جذبات نے سب کا لہو گرما دیا۔ لاہور میں واہگہ بارڈر پر یوم پاکستان کے موقع پر قومی پرچم اتارنے کی تقریب جوش و جذبےسے منعقد کی گئی۔ رینجرز کی پریڈ اور حاضرین کے فلک شگاف نعرے دلوں کو گرماتے رہے۔ لاہور کے واہگہ بارڈر پر روزانہ پرچم اتارنے کی رنگا رنگ تقریب منعقد ہوتی ہے، جس میں لوگوں کی بڑی تعداد شریک ہوتی ہے۔ تاہم یوم پاکستان کے موقع پر تقریب کا رنگ کچھ زیادہ بارعب تھا۔ رینجرز کی پریڈ نے حاضرین کے سینے قومی جوش وجذبے سے بھردیئے۔ رینجرز کے قدموں دھمک پر لوگ پاکستان زندہ باد کے نعرے لگاتے رہے۔
