کراچی.......متحدہ قومی موومنٹ کی رابطہ کمیٹی نے تحریک انصاف کے سربراہ عمران خان کی جانب سے ایم کیوایم پر کی جانیوالی بیجاتنقیدپر تبصرہ کرتے ہوئے کہاہے کہ عمران خان صاحب کواب گالم گلوچ کی زبان چھوڑکرسنجیدہ سیاست کرناچاہیے اور’’ الطاف حسین فوبیا ‘‘ سے باہرآجاناچاہیے ۔ اپنے ایک بیان میں رابطہ کمیٹی نے کہا دراصل عمران خان کو کراچی میں ہونے والے ضمنی الیکشن میں تحریک انصاف کی یقینی شکست نظرآرہی ہے اسی لئے عمران خان اورتحریک انصاف کے رہنما شکست سے بچنے کیلئے راہ فرارڈھونڈر ہے ہیں اورالزامات کا سہارالے رہے ہیں ۔ رابطہ کمیٹی نے کہاکہ جہاں تک الطاف حسین کے خلاف لندن میں مقدمہ دائرکرنے کاتعلق ہے توعمران خان جہاں چاہیں مقدمہ دائرکریں وہ پہلے بھی کوشش کرچکے ہیں اوراب بھی وہ چاہیں تو اپنا شوق پوراکرلیں،انشاء اللہ ماضی کی طرح اس باربھی انہیں ناکامی کامنہ دیکھناپڑے گا۔ رابطہ کمیٹی نے کہاکہ عمران خان قوم کویہ جواب دیںکہ جس اسمبلی کووہ جعلی اورفراڈ کہتے آئے ہیں،اس اسمبلی میں وہ آج کس منہ سے جانے کی بات کررہے ہیں؟ کیادھوکے بازی اورمنافقت کی یہ سیاست ہی ان کی تبدیلی ہے جس کیلئے انہوں نے قوم کے نوجوانوںکوبیوقوف بنایا؟ رابطہ کمیٹی نے کہا کہ عمران خان کی منافقت کی یہ سیاست اب زیادہ دیرنہیں چل سکتی۔