08 اپریل ، 2015 
کہہ سکتا ہوں کہ میں بھی مہاجر ہوں، عمران خان
08 اپریل ، 2015
کراچی.......تحریک انصاف کے چیئرمین عمران خان نے کہا ہے کہ میرا خاندان بھی ہجرت کرکے آیا، میری والدہ کا خاندان مہاجرتھا ،کہہ سکتا ہوں کہ میں بھی مہاجر ہوں۔ تحریک انصاف کے سربراہ عمران خان نے این اے 246 کےپارٹی امیدوار عمران اسماعیل کے گھر پہنچنے کے بعد پریس کانفرنس سے خطاب کرتے ہوئے مزید کہا کہ کراچی کا یہ تاریخی الیکشن ہے،یہاں ایک خوف کی فضا ہے،کراچی کے لوگوں کے پاس ووٹ دینے کی آزادی نہیں تھی، جناح گراؤنڈ خود جاؤں گا اور لوگوں کو بتاؤں گا کہ خوف سے باہر آؤ۔ انہوں نے کہا کہ معلوم ہوا ہے کہ میرے استقبال کیلئے ٹماٹراور انڈے رکھے گئے ہیں،میں استقبال کیلئے تیار ہوں،پہلے ایم کیو ایم بھتا لیتی تھی، اب اور گروپ بھی آگئے ہیں۔ عمران خان کی پریس کانفرنس کے دوران اچانک بدنظمی ہوگئی اور شور شرابہ ہوا جس کی وجہ عمران خان اٹھ کر چلے گئے اور پریس کانفرنس میں تعطل پیش آیا ۔پریس کانفرنس دیے گئے وقت سے پہلے شروع کرنے پر میڈیا کے نمائندوں نے احتجاج کیا۔
