لندن......ایم کیوا یم کے قائدالطاف حسین نے عوامی نیشنل پارٹی کے سینئر رہنما اعظم خان ہوتی کے انتقال پر گہرے دکھ اور تعزیت کا اظہار کیا ہے ۔ ایک بیان میں الطاف حسین نے اعظم خان ہوتی کی ہمشیرہ بیگم نسیم ولی خان،انکے بیٹے امیر حیدر خان سمیت اے این پی کے تمام رہنماؤں اور کارکنان سے دلی ہمدردی و تعزیت کا اظہار کرتے ہوئے دعا کی کہ اللہ تعالیٰ اعظم خان ہوتی مرحوم کے درجات بلند کرکے انہیں اپنی جوار رحمت میں اعلیٰ مقام عطا فرمائے اور تمام سوگواران کو یہ صدمہ برداشت کرنے کی ہمت عطا فرمائے ۔دریں اثناایم کیو ایم کی رابطہ کمیٹی نے بھی اے این پی کے رہنما، سابق وفاقی وزیراعظم خان ہوتی کے انتقال پر گہرے دکھ اور افسوس کااظہار کیا ہے ۔ ایک تعزیتی بیان میں رابطہ کمیٹی نے مرحوم کے سوگوار لواحقین سمیت اے این پی کے رہنمائوں سے دلی تعزیت وہمدردی کااظہا رکرتے ہوئے انہیں صبر کی تلقین کی ۔ رابطہ کمیٹی نے دعا کی کہ اللہ تعالیٰ اعظم خان ہوتی کو جنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے ۔ (آمین)