لندن......متحدہ قومی موومنٹ کے قائد الطاف حسین نے کہاہے کہ 23 اپریل حق پرستوںکی فتح کادن ہوگا۔ انہوں نے یہ بات بدھ کی شب جناح گراؤنڈ عزیزآبادمیں اجتماع سے خطاب کرتے ہوئے کہی،جس میں ہزاروں افرادشریک تھے،انھوں نے کہاکہ الطاف بھائی اورحق پرست عوام کارشتہ تمام دنیاوی رشتوںسے قطعی مختلف ہے اورلوگ اس محبت کوسمجھنے کی کوشش کررہے ہیں اوریہ سوچ رہے ہیں کہ اس ر شتے کوکیانام دیاجائے،ماؤں،بہنوں، نوجوانوں اوربزرگوںکی محبت تو سمجھ میں آتی ہے جوآنکھوں کوبھی پڑھ لیتے ہیں لیکن جوچھوٹے چھوٹے معصوم بچے الطاف حسین سے پیارکرتے ہیں اس کوکیا کہا جائے گا؟ ان کے اندرالطاف حسین سے پیارکرنے کایہ جذبہ کہاں سے آگیا؟انہوں نے دعاکی کہ اللہ تعالیٰ اس پیارکواسی طرح برقرار رکھے۔انہوںنے کارکنوںخصوصاًماؤںبہنوںاوربزرگوں سے کہاکہ اس جذبہ کوکم نہ ہونے دینااوراپنے بچوںکوشہیدوںاور ان کی قربانیوں کے بارے میں ضرور بتاناکیونکہ یہ قصے کہانیاں نہیں بلکہ ہماری تاریخ کاحصہ ہے۔الطاف حسین نے کارکنان اورعوام کومخاطب کرتے ہوئے کہاکہ اتحادمیں بڑی برکت ہے اوراتحادہی میں فتح ہے۔اگرہم اللہ تعالیٰ کی مددسے متحد رہے تواللہ کی قسم دنیاکی کوئی طاقت تمام ترطاقت استعمال کرنے کے باوجودختم نہیں کرسکتی ۔ انہوں نے کہاکہ 23 اپریل کوضمنی الیکشن میں مقابلہ نہیں بلکہ ’’ مقابلی ‘‘ ہوگی ۔جہاں ایک جماعت کے سامنے پانچ پانچ جماعتیں مقدمقابل ہوں تووہ مقابلہ نہیں بلکہ مقابلی کہلاتی ہے، انشاء اللہ 23تاریخ حق پرستوں کی فتح کادن ہوگا۔انہوں نے عوام سے کہاکہ وہ ووٹ ڈالنے کیلئے پولنگ کارڈ ابھی سے حاصل کرلیں اوراسے سنبھال کررکھیں اورابھی سے اپنے پولنگ اسٹیشن کے بارے میں معلومات حاصل کرلیں کہ وہ کہاں واقع ہے ۔ انہوںنے عوام کوزبردست خراج تحسین پیش کیااوران کے لئے دعائیں کیں۔