کراچی.......یورپی یونین کے دو رکنی وفد نے ایم کیو ایم کے مرکز نائن زیرو اور خورشید بیگم سیکریٹریٹ عزیز آباد کا دورہ کیا ،وفد میں یورپی یونین کے ایکٹنگ ہیڈ برائے پاکستان Stefano Gattoاور سیاسی امور کے فرسٹ سیکریٹری Quentin Weilerشامل تھے ۔ اس موقع پر ایم کیوایم رابطہ کمیٹی کے رکن و حق پرست رکن قومی اسمبلی ڈاکٹر فاروق ستار،سند ھ اسمبلی میں ایم کیو ایم کے پارلیمانی لیڈر سید سردار احمد اور حق پرست رکن سندھ اسمبلی سید فیصل علی سبزواری پر مشتمل تین رکنی وفد نے الطاف حسین کی جانب سے یورپی یونین کے وفد کا استقبال کیا ۔ اس موقع پر دونوں وفود کے درمیان باہمی دلچسپی کے امور،پاکستان اور خطے کی مجموعی صورتحال ،ملک سے دہشت گردی کے خاتمے کیلئے ایم کیوا یم کی جدوجہد اورکردار ، ملک میں تعلیم ، صحت ، غربت کے خاتمے اور انسانی وسائل سمیت ملک میں یورپی یونین کی امداد سے وضع کئے جانے والے منصوبوں میں ایم کیو ایم سے تبادلہ خیال کی اہمیت پرزور دیا گیا ۔اس موقع پر ایم کیو ایم کے وفد نے معزز مہمانا ن گرامی کو ایم کیوا یم کے مختلف تنظیمی دفاتر کا دورہ بھی کرایا ۔