08 مئی ، 2012 
تجارت کیلئے 1965ء والی پوزیشن میں جانا ہوگا، شرکاء اقتصادی کانفرنس
08 مئی ، 2012
لاہور … امن کی آشا کے زیر اہتمام دوسری اقتصادی کانفرنس میں شریک پاک بھارت صنعتکاروں اور کاروباری افراد کا کہنا ہے کہ دونوں ممالک کی حکومتیں درست سمت میں جارہی ہیں تجارت کے حوالے سے 1965 والی پوزیشن میں واپس جانا ہو گا۔ پاک بھارت اقتصادی کانفرنس سے خطاب کرتے ہوئے معروف بھارتی صنعتکار راہول بجاج کا کہنا تھا کہ دونوں ممالک کے درمیان تجارت سے خدشات دور ہوں گے۔ جوز ف میسی کا کہنا تھا کہ پاکستان بھارت کے درمیان مشترکہ سرمایہ کاری ہونی چاہئے، بھارت میں لوگوں میں بچت کا رجحان زیادہ ہے، ہر سال 400ارب ڈالر بچاتے ہیں۔ کراچی اسٹاک ایکسچینج کے چیئرمین منیر کمال کا کہنا تھا کہ بھارت سے پاکستان کیپٹل مارکیٹ میں بھاری سرمایہ کاری آنے کی توقع ہے۔ سیکیورٹی اینڈ ایکس چینج کمیشن پاکستان محمد علی کا کہنا تھا کہ دونوں ممالک کی کیپٹل مارکیٹ میں سرمایہ کاری کرنیوالوں کوقانونی تحفظ حاصل ہوگا۔ انہوں نے امن کی آشا کانفرنس کو کامیاب قرار دیا۔
مزید خبریں :
پاکستان کی یو اے ای کیلئے برآمدات میں 28 فیصد اضافہ
11 گھنٹے پہلے
اسٹاک ایکسچینج میں کاروبار کا منفی دن، 100 انڈیکس میں کمی
11 مارچ ، 2025
پیٹرول اور ڈیزل کی قیمتوں میں بڑی کمی کا امکان
11 مارچ ، 2025
رواں مالی سال چینی کی برآمد میں 1831فیصد سے زائد اضافہ
10 مارچ ، 2025
