لندن.....متحدہ قومی موومنٹ کے قائد الطاف حسین نے کراچی سمیت سندھ میںشدیدطوفانی بارشوںکے نتیجے میںکرنٹ لگنے اوردیگرواقعات میںمتعدد شہریوںکے جاںبحق ہونے پرگہرے رنج وغم کااظہارکیاہے۔ایک بیان میں الطاف حسین نے کہاکہ کراچی سمیت سندھ کے دیگرشہروںمیں جمعرات کے روزسے شروع ہونے والی شدیدطوفانی بارشوںکے نتیجے میںبجلی کاکرنٹ لگنے، دیوار گرنے و دیگر واقعات میںمعصوم بچوںاورخواتین سمیت متعددشہریوں جاںبحق اورشدیدزخمی ہوچکے ہیںتاہم ممکنہ پانچ روزہ بارشوںسے بچائوکے لئے حکومتی سطح پرکہیںکوئی اقدامات نظرنہیںآرہے۔الطاف حسین نے جاںبحق ہونیو الے افرادکے لواحقین سے دلی تعزیت وہمدردی کااظہارکرتے ہوئے انہیںصبرکی تلقین کی اوردعاکی اللہ تعالیٰ جاںبحق ہونیو الے افرادکواپنی جواررحمت میںاعلیٰ مقام عطافرمائے اورزخمیوںکی جلدومکمل صحت یابی عطاکرے۔(آمین)۔ الطاف حسین نے حکومت وقت سے مطالبہ کیاکہ کراچی سمیت بارشوںسے متاثرہ شہروںمیںایمرجنسی نافذ کی جائے اورشہریوںکی جان ومال کے تحفظ کے لئے فوری اقدامات بروئے کارلائیںجائیں۔