کراچی......متحدہ قومی موومنٹ کے قائد الطاف حسین کی ہدایت پر حق پرست سینیٹر ز اور ارکان قومی و صوبائی اسمبلی کے اپنی نشستوں سے احتجاجاً استعفوں کے بعد ایم کیوا یم کے کارکنان اور عوام کی بڑی تعداد نائن زیرو پر جمع ہوہوگئی ۔ اس موقع پر کارکنان نے دئیے روشن کئے اور استعفوں پر اپنی خوشی کے اظہار کیلئے ڈھول کی تھاپ پر والہانہ رقص کیا۔نائن زیرو پر کارکنان و عوام کا ایم کیو ایم کی رابطہ کمیٹی کے ارکان عارف خان ایڈوکیٹ، شبیر احمد قائم خانی ،زرین مجید ، محمد کمال ملک اورسید شاہد پاشا نے استقبال کیا ۔ بعدازاں رابطہ کمیٹی کے ارکان نے کارکنان و عوام کے ہمراہ حق پرست شہداء کو خراج عقیدت پیش کرنے کیلئے جناح گراؤنڈ عزیز آباد میں قائم یادگار شہدائے حق پر حاضری دی ، دیئے روشن کیے اورایم کیو ایم کے شہداء کو زبردست خراج عقیدت پیش کیا۔دریں اثناء متحدہ قومی موومنٹ کے زیراہتمام پاکستان کا 68ویں یوم آزادی شایان شان طریقے سے منانے کی تیاریوں کو حتمی شکل دیدی گئی ہے ۔ ایم کیو ایم رابطہ کمیٹی کے ارکان نے بدھ کی شب جناح گراؤنڈ عزیزآباد کا دورہ کیا اور جناح گراؤنڈ عزیزآباد میں جشن آزادی کے سلسلے میں ہونے والی تیاریوں کا جائزہ لیا۔ایم کیو ایم کے تحت 13اور 14اگست کی درمیان شب پاکستان کے 68ویں جشن آزادی کے سلسلے میں ورائٹی پروگرام منعقد کیا جائے گا ۔جناح گراؤنڈ میں ہونے والے جشن آزادی کے پروگرام میں فلم ٹی وی اور اسٹیج کے فنکار اپنے فن کا مظاہرہ کریں گے اور قومی نغمہ پیش کریں گے ۔ جشن آزادی کے اجتماع کا مرکزی کیمپ جناح گرائونڈ عزیز آباد میںقائم کردیا گیا ہے ۔ ایم کیو ایم کے مرکز نائن زیرو اور جناح گراؤنڈ عزیزآباد اور اطراف کی گلیوں کو پاکستانی پرچم ، ایم کیو ایم کے پرچم اور برقی قمقموں سے سجایا دیا گیا ہے، ایم کیو ایم رابطہ کمیٹی کے ارکان عارف خان ایڈوکیٹ ، گلفراز خان خٹک ، شبیر احمد قائم ،خانی ، سید شاہد پاشا اور نے جناح گراؤنڈ عزیزآباد کا دورہ کیا اور تیاریوں کے سلسلے میں مصروف کارکنان کو شاباش دی اور جشن آزادی کی تیاریوں کے سلسلے میںمصروف کارکنوںسے گفتگو کرتے ہوئے کہا کہ کارکنان کی انتھک محنت نے یہ ثابت کردیا ہے کہ ایم کیو ایم ایک محب وطن جماعت ہے اور ہر سال کی طرح امسال بھی پاکستان کا 68واں یوم آزادی بھرپور جوش و خروش سے منائے گی ۔علاوہ ازیں دوروزہ جشن آزادی کے سلسلے میں ایم کیو ایم کے تحت شہر کے مختلف علاقوں میں ریلی نکالی گئی جس میں ایم کیو ایم کے کارکنان اور عوام نے بھرپور انداز میں شرکت کی ۔