لندن......متحدہ قومی موومنٹ کے قائد الطاف حسین نے وزیراعظم پاکستان ، چیف آف آرمی اسٹاف اور وفاقی وزیرداخلہ سے مطالبہ کیا ہے کہ سرکاری اہلکاروں کی سرپرستی میں لانڈھی کے مختلف علاقوں میں حقیقیوالوں کے قبضہ کا نوٹس لیا جائے ۔ الطاف حسین نے پوری قوم کو جشن آزادی کی مبارکباد پیش کرتے ہوئے کہاکہ یوم آزادی کے موقع پر میں ایک افسوسناک بات وزیراعظم نوازشریف ، وزیرداخلہ چوہدری نثار، آرمی چیف جنرل راحیل شریف اور ملک بھر کے عوام کے علم میںلانا چاہتا ہوں کہ جب سے ایم کیوایم نے یہ اعلان کیا ہے کہ ہم اسمبلیوںمیں رہیں یا نہ رہیں جشن آزادی شایان شان طریقے سے منائیں گے، صبح سے ہی لانڈھی کے مختلف علاقوںمیں ایم کیوایم کے ذمہ داروں اور کارکنوں کی گرفتاریاں شروع کردی گئیں، صبح دوکارکنان کوگرفتارکیاگیا جبکہ شام کو جشن آزادی کی تقریب کی تیاری کرنے والےسات کارکنوں کو گرفتارکرلیاگیا ۔کارکنوں کی گرگرفتاری کے موقع پر حقیقی والے بھی موجود تھے،بعدازاں انھوں نے سرکاری اہلکاروں کی سرپرستی میں لانڈھی کے علاقے میںقبضہ کرلیا ۔انھوں نے کہا کہ جرائم پیشہ عناصر ایم کیوایم کے کارکنان کوگرفتارکروارہے ہیں اور علاقے کے عوام سے زبردستی کھانا اورچائے مانگ کر انہیں پریشان بھی کررہے ہیں ۔ الطاف حسین نے وزیراعظم نوازشریف ، وزیر داخلہ چوہدری نثار اورآرمی چیف سے مطالبہ کیا کہ وہ وعدے کے مطابق لانڈھی کے عوام کو ریلیف فراہم کریں اور علاقوں سے جرائم پیشہ دہشت گردوں کا قبضہ ختم کرائیں۔